Ligjëratë informuese shëndetësore Në klasën IV-5 u zhvillua një ligjëratë nga infermierja e shkollës mbi pubertetin, me qëllim informimin dhe ndërgjegjësimin e nxënësve për ndryshimet fizike dhe emocionale që shoqërojnë këtë periudhë të rëndësishme të rritjes. Përmes një bashkëbisedimi të hapur dhe të përshtatshëm për moshën, nxënësit patën mundësinë të shtrojnë pyetje, të marrin përgjigje profesionale dhe të kuptojnë më mirë proceset natyrore të zhvillimit të tyre.

𝐍𝐣𝐨𝐡𝐣𝐞 𝐦𝐞 𝐩𝐫𝐨𝐟𝐞𝐬𝐢𝐨𝐧𝐢𝐧 𝐞 𝐚𝐫𝐤𝐢𝐭𝐞𝐤𝐭𝐢𝐭 🏗️ Klasa II-1 pati kënaqësinë të zhvillojë një orë mësimore të veçantë, e udhëhequr nga Blerta, nëna e nxënësit Agis. Në kuadër të lëndës Shkathtësi për jetë, ku po mësohen për profesionet e ndryshme, nxënësit u njohën nga afër me profesionin e arkitektit. Fëmijët mësuan si projektohen ndërtesat, cili është roli i arkitektit dhe sa i rëndësishëm është ky profesion në jetën e përditshme. Aktiviteti ishte interaktiv, i kuptueshëm dhe i mbushur me kureshtje, pyetje dhe entuziazëm nga ana e nxënësve.

Mësime mbi kujdesin e dhëmbëve me klasën III-5 🦷 Nxënësit e klasës III-5 vizituan ordinancën dentare të Dr. Shpresa, nën kujdesin e së cilës mësuan shumë rreth kujdesit të dhëmbëve dhe rëndësisë së vizitave të rregullta tek dentisti. Faleminderit Dr. Shpresës dhe familjes së nxënëses Uma Zakuti për mikpritjen dhe mundësinë për këtë eksperiencë praktike!