𝐃𝐢𝐭𝐚 𝐁𝐨𝐭𝐞̈𝐫𝐨𝐫𝐞 𝐞 𝐔𝐣𝐢𝐭 💧 Në kuadër të shënimit të Ditës Botërore të Ujit, nxënësit tanë në lëndën e Kimisë realizuan një sërë aktivitetesh kreative dhe edukative. Ata përgatitën postera dhe broshura informuese, përmes të cilave prezantuan rëndësinë e ujit për jetën dhe mjedisin. Gjithashtu, nxënësit mbajtën ligjërata të shkurtra, duke ndarë njohuritë e tyre me nxënësit e tjerë, si dhe punuan në grupe për të hartuar një revistë tematike kushtuar ujit. Këto aktivitete ndihmuan në rritjen e vetëdijes për ruajtjen dhe përdorimin e qëndrueshëm të ujit, duke zhvilluar njëkohësisht shkathtësitë kërkimore, bashkëpunuese dhe komunikuese të nxënësve.

𝐆𝐞̈𝐳𝐮𝐚𝐫 𝐅𝐢𝐭𝐞̈𝐫 𝐁𝐚𝐣𝐫𝐚𝐦𝐢𝐧! Shkolla “Mileniumi i Tretë”, ju përcjell urimet më të përzemërta me rastin e festës së Fitër Bajramit, duke ju dëshiruar shëndet, paqe dhe begati në familjet tuaja. Qoftë kjo ditë një mundësi për reflektim, mirëkuptim dhe forcim të vlerave njerëzore. Me respekt, Shkolla “Mileniumi i Tretë”

𝐁𝐮𝐳𝐞̈𝐪𝐞𝐬𝐡𝐣𝐞 𝐭𝐞̈ 𝐬𝐡𝐞̈𝐧𝐝𝐞𝐭𝐬𝐡𝐦𝐞 – 𝐧𝐣𝐞̈ 𝐦𝐞̈𝐬𝐢𝐦 𝐢 𝐯𝐥𝐞𝐟𝐬𝐡𝐞̈𝐦 𝐩𝐞̈𝐫 𝐧𝐱𝐞̈𝐧𝐞̈𝐬𝐢𝐭 Në kuadër të aktiviteteve edukative, nxënësit e klasës II-4 realizuan një vizitë në një ordinancë dentare, me ftesë të nënës së nxënësit Jor Thaçi, znj. Kosovare Dragusha. Gjatë kësaj vizite, ata patën mundësinë të njihen nga afër me rëndësinë e shëndetit oral, si dhe me mënyrat e duhura për mirëmbajtjen e dhëmbëve dhe higjienës së gojës. Falënderojmë znj. Dragusha për mikpritjen, bashkëpunimin dhe kontributin e saj në edukimin e nxënësve!