VIZIONI – Çfarë ne synojmë?

T'i kontribuojmë zhvillimit maksimal dhe të lirë të secilit nxënës të regjistruar në shkollë në përputhje me aftësitë individuale psikike dhe fizike dhe me kërkesat e shoqërisë së përparuar dhe demokratike.

MISIONI – Ç' obligime marrim?

Shkolla do të krijojë kushte për secilin nxënës të regjistruar të mësojë:

• të dijë,
• të veprojë,
• të mbijetojë,
• të bashkëjetojë me të tjerët,
• të nxë gjatë tërë jetës,
• të transformojë veten dhe shoqërinë

KONCEPTI I SHKOLLËS

Shkolla "Mileniumi i Tretë" është shkollë jopublike e nivelit fillor, të mesëm të ulët dhe të mesëm të lartë (klasat 1-12), e themeluar nga Qendra për Arsim e Kosovës (KEC). Shkolla është licensuar nga Ministria e Arsimit, e Shkencës dhe e Teknologjisë.

Shkolla "Mileniumi i Tretë" nuk u shërben vetëm nxënësve të saj dhe prindërve të tyre, por edhe arsimit publik. Pas mbulimit të shpenzimeve të Shkollës, fitimi i realizuar do të shfrytëzohet për aftësimin profesional të mësimdhënësve të shkollave publike, duke i kontribuar kështu ngritjes së cilësisë së arsimit në përgjithësi.

ÇFARË PREMTOJMË?

• Krijim të mjedisit të përshtatshëm për zhvillim maksimal fizik dhe psikik të fëmijëve

• Krijim të sensit tek fëmijët për vlerësimin e tipareve pozitive, siç janë: sinqeriteti, drejtësia, vetëbesimi, guximi qytetar, respekti ndaj të tjerëve, etj.

• Trajtim korrekt dhe jodiskriminues të të gjithë fëmijëve dhe të prindërve

• Zhvillim të aftësive kreative të nxënësve dhe i aftësisë për të mësuar gjatë tërë jetës

• Kultivim të aftësisë drejtshkrimore në përputhje me standardet e gjuhës amtare

• Aftësim të fëmijëve ta flasin dhe ta shkruajnë rrjedhshëm gjuhën angleze, të lexojnë dhe komunikojnë pa probleme në një gjuhë tjetër botërore

• Shkallë maksimale të arritjes në përvetësimin e planit dhe të programit mësimor

  Broshura e ShkollësShkarko...
  

Mileniumi i Tretë